સળગતો શશિ !
હું કોણ્? હું સીવીલ એન્જીનીયર છુ... એમ કહીશ તો શુષ્ક લાગશે.. એટલે મારી ઓળખ હું કંઇક આમ આપુ છું.. સળગતો શશિ છું. ને ઠરેલ રવિ છું. ઇંટ પથ્થરોમાં જીવનાર,એક નાજુક કવિ છું.
Thursday, January 23, 2014
Friday, December 06, 2013
પૂરતું છે
નાસ્તામાં જ્યુસ સાથે
બ્રેડબટર હોય પૂરતું છે.
ભોજનમાં પરાઠાને આલુ-મટર
હોય પૂરતું છે.
મને એક મૌન નથી માફક
આવતું તારું બસ,
સવાર સાંજ હલકી ચટરપટર
હોય પૂરતું છે.
જરૂરી નથી કે જીવનમાં
તું સળંગ મળે મને,
તારા સહવાસનું એકાદું
ચેપ્ટર હોય પૂરતું છે.
કોઈ અમંગળ ખબર હો તારા
પત્રમાં તો ફક્ત,
કાપવા નસ હાથવગું પેપરકટર
હોય પૂરતું છે.
જુદાઈમાં જુઓ આશિક આવી
દુઆ માંગે છે,
વહાવવા આંસુ અલાયદી
ગટર હોય પૂરતું છે.
એક તું અને એક હું પૂરતા
નથી સફર માટે?
બસમાં ડ્રાઈવર હોય ને
કંડકટર હોય પૂરતું છે.
ને બિમારી પછી છો કોઈ
પણ આવે ‘અધીર’
સારવાર કરવા માટે તું
ડોક્ટર હોય પૂરતું છે.
Thursday, October 17, 2013
તારી આંખો
એન્ટારટીકાનાં બર્ફિલા પવનોમાં
સહરાની ધગધગતી રેત પર
આફ્રિકન જંગલી જંગલોમાં
બુર્જે ખલીફાની ટોચ પર
ને મુંબઈની પરસેવાનુંમાં લોકલ ટ્રેઈન્સમાં
મને યાદ આવે
મોરિશિયસનાં
આસમાની પાણી
જેવી તારી આંખો !!!!
Wednesday, October 16, 2013
એ તું જ છે ....
એ તું જ છે ...
--
કાચની
કાતિલ કરચો કરતાં
જે
વધારે વાગે છે મને,
એ
શું છે,
એ
તને તો
ખબર
હશે જ !
--
વાતચીતના
વાસંતી વાયરા વિરમે
પછી
યાદ થઈ જે વરસે,
એ
તું છે,
એ
તને તો
ખબર
હશે જ !
--
કાળીચૌદસની
કાળી અંધારી રાતે
કરું
આંખ બંધ ને
જે
દેખાય
એ તું
જ છે,
એ
તને તો
ખબર
હશે જ.
--
શરદપૂનમની
રાતે
ચાંદની
કરતાં પણ જે
વધારે
દઝાડે છે
એ
તું જ છે,
એ
તને તો
ખબર
હશે જ.
Tuesday, April 30, 2013
Tuesday, April 23, 2013
ત્રીજી અઘરી ગઝલ
૧) મને મારા જ પડછાયા
આકરા લાગે છે.
શશિ આભમાં સળગતા કાકડા લાગે છે.
શશિ આભમાં સળગતા કાકડા લાગે છે.
૨) કે ત્યાં લગી આવી
અટકી ગયા પગરવ
એકલતાના દ્વાર સમીપ બાંકડા લાગે છે.
એકલતાના દ્વાર સમીપ બાંકડા લાગે છે.
૩) પરમહંસ કક્ષાએ પહોંચ્યા પછી આવું થાય
હસીન છે નહિ એ હસીન
ખામખાં લાગે છે.
૪) મધુર રસ સભર અસર
અંતર તરબતર
હોઠ જલેબી, હાથ તારા ફાફડા લાગે છે.
હોઠ જલેબી, હાથ તારા ફાફડા લાગે છે.
૫) ગાલગા ને ગાગાલગા ઘોળીને
પી ગયા
‘અધીર’ સાચા કવિ થવાના
તાયફા લાગે છે.
(ઓરીજીનલી કચરા કવિતા કેવી રીતે લખાય એનાં ઉદાહરણ તરીકે રચાયેલી આ હઝલની પ્રેરણા માટે સાક્ષર ઠક્કરનો આભાર !)
૧. શરુઆતમાં એક અધરી વાત કહી દો
૨, અઘરા શબ્દો વાપરો :દ્વાર, પગરવ, સમીપ
૩. ઉર્દૂ શબ્દો વાપરો
૪. અલંકાર અને ઉપમા પ્રયોજો ઉપમા
૫. છેલ્લે ઘુસે કે નાં ઘુસે તખલ્લુસ ઘુસાડો !
Subscribe to:
Posts (Atom)